Bahrain
2010
رحلة ويكند
11 - 13 فبراير
في الويكند اللي بعد رحلتي للكويت
صور من عدستي ... الكويت !!
الطيران
ثاني أفضل طيران اقتصادي في الشرق الأوسط بعد العربية
التذكرة = 443 درهم
الوصول مساءاً
سألت الموظفة في مطار أبوظبي
متى يغلق الـ check in ؟
قالت 50 دقيقة قبل إقلاع الطيارة
عشان ما يتكرر الموقف اللي صار بالكويت
الفندق
Fareeda Palace Apartments
السعر = 30 دينار الليلة
من موقع
Hotelscombined
الفندق يقطر نظافة
النت مجاني
الغرفة وسيعة ... ولا ملعب كورة
الفطور مجاني لكنه بسيط
سلبيات
الفراش قاسي
مواقف السيارات ضيقة تحت العمارة ، لكن يوجد مساحة فاضية خلف الفندق
السيارة
من
السعر = 20 دينار لـ يومين
الحجز عن طريق موقعهم
و إجراءات الإستلام ما أخذت أكثر من 15 دقيقة
مواقف السيارات في المطار ما كانت مزدحمة
فتحريت الوضع بيكون مشابه عند المغادرة <<< بس ظني ما كان في محله !
Upgrade مجاني !!
حجزت سيارة Kia Picanto
بس ما كانت متوفرة عندهم
فعطوني ... نيسان صني
بنفس سعر الـ كيا
فـ
افهم يا فهيم
GPS
جعل رحلتي جداً انسيابية
و بعض الأماكن حفظتها في الجهاز حتى قبل ما أنزل البحرين
الانطباع الأول عن البحرين
هو كثرة السيارات من السعودية
لكن
الويكند في البحرين و الإمارات هو الجمعة والسبت
فخفت الزحمة بشكل ملحوظ في آخر يوم
كم منامة في الخليج ؟
في وحدة في الإمارات
حتى موقع بوكينج يطلعها
بس صغيرة ما فيها شي مميز
إلا إني أروح أحلق عندهم مرات
أذكر مرة ناداني واحد في الدوام
فتى المنامة
*****
متحف البحرين
الدخول نص دينار
محطتي الأولى
يضم جزء عن التراث و جزء آخر عن حضارة دلمون
ألعاب شعبية
هذي احنا انسميها
كوبيه
و في لعة مشابه لها اسمها
كحيفه
و اللعبة اللي تلعبها البنت
اسمها حبّوب
حقيقة ما اتوقعت يجي اليوم
اللي اشوف فيه هذه الالعاب تتحول إلى تراث
نتذكره فقط في المتاحف !!
الجيل الحالي ما يعرف عنها أي شيء
صح التقنية غطت عليها
لكن في دول اوروبية - فرنسا - شفت ناس تلعب العاب تقليدية
الوسم
في ناس تعتقد أن الوسم
هو علاج حق أي شي
حتى واحد يخبرني
أن أحد معارفه صار ظهره كأنه خطة معركة من كثر الوسم
السوق
ينقصه فقط مؤثرات صوتية
ويصير روعة !
عجوز ادوخ قدو
يعني هالشي كان مقبول زمان أول !
والحين صار منكر ومرفوض ... إلا خلف الكواليس
مجسم مسجد الخميس
وهنا
آثار حضارة دلمون
*****
المتحف غني بالمعرفة
طريقة العرض سهلة الاستيعاب
اقترح
فلم كرتوني قصير عن حضارة دلمون
شاشات تلفزيون تعرض جوانب مختلفة من المجتمع والتاريخ
سينما مصغرة
سوق المنامة
عبر بوابة البحرين
معظم المحلات مغلقة
لإن اليوم جمعة
و السوق كان يمر بعمليات صيانة
لإعادة افتتاحه في حلة جديدة
ويوجد بالقرب منه
يتيم سنتر
اسم مضلل
المارينا مول
خطر على بالي مول نفس المارينا في أبوظبي أو الكويت
بس طلع أحد مراكز سنتر بوينت
و ما في عداله مارينا أصلاً !!
حتى الرفاع مول
فإذا إنت مش من هواة السنتر بوينت
فلا اتضيع وقتك هناك
مسجد الفاتح
صليت الجمعة فيه
و كنت بتغدا هنا
لكن ماشفت غيري في المطعم
و حسيت إنهم بيتأخرون
فروحت عنهم و سرت دانة مول
اتغديت هناك
ورحت أهضم في السيتي سنتر
واللي هو تحفة المولات في البحرين
و بعده
رحت حديقة الأندلس <<< إذا ما خانتني الذاكرة
وصار لي موقف هناك
مجموعة من الهنود قاعدين يصورون
فوقفني واحد منهم
قالي الكيمرا امتلت بالصور رغم إنه ما صورنا وايد
وهو قاعد يراويني الصور
تخيلوا
أغلب صورهم مصورين ويا ورد
شكلهم ما خلوا وردة ما صوروا وياها
طلعت المشكلة إنهم حاطين الميجابكسل على الـ 5
والذاكرة صغيرة
حاولت أغيره ... ما عرفت
قتله سوري ... ورحت عنه <<< وراي وايد أماكن اليوم أبي أزروها ، يعني أنا مش نائصلك
من الحديقة إلى العالي مول
وبنظرة على الجي بي اس
ظهر
مسجد الخميس
قلعة البحرين
بيت الجسرة
كلها في اتجاه واحد
مسجد الخميس
قلعة البحرين
بيت الجسرة
لحقت عليه قبل ما يسكر
شوفو كيف أسابق خيوط الشمس
هذه الصور والفتحات
نفس بيت عمتي من زمان
من بيت الجسرة إلى
مركز الجسرة للحرف اليدوية
لكن الحارس قالي إنه ما يفتح يوم الجمعة
أحلى طريق رومنسي ... Causeway
جسر الملك فهد
على حسب موقع ويكيبديا
بس أن أشوفه مرعب
و خاصة في الليل
لو انحرفت بي السيارة و طحت في البحر ، من بيشوفني ! من بينقذني
<<< أهوجس قبل ما أركب الجسر
سألت الموظف اللي ياخذ الرسوم - 2 دينار -
في لفة ترجعني البحرين
قالي ... شو مضيع ؟!
<<< والله شكلي شكل واحد مضيع
قال أيوه فيه مخرج
وجهتي كانت مطعم الجسر البحرين
لونه أحمر
و في واحد في الجانب السعودي و لونه أخضر
الدخول نص دينار
النوافذ غير نظيفة
فبالكاد تشوف شي
لكن الديكور الداخلي جميل
زحمة عند مخرج دوار الدانة
المخرج اللي يدخلك على الشارع العام
لو تقدر تتجنب هذا المخرج ، لا تدخله
مريت على مول البحرين
السيف مول
مودا مول << الماركات الغالية
و في مول اسمه الهاربور
بس بعده ما افتتح
صورت المركز التجاري العالمي من بعيد
بس يوم قربت منه
طفوا الليتات
*****
ترقبوا اليوم الثاني
محمية العرين
متحف البترول
قلعة عراد
متحف العريفي
بيت عيسى
بيت القرآن
بيت جمشير
حوسة في المطار !
تابعوني
يوتيوب
www.youtube.com/c/mruae81
المشاركات
