صور من عدستي ... الكويت 1

Kuwait

2010



رحلة ويكند

4 - 6 فبراير




خريطة الكويت





طيران جديد و مبنى وحيد



http://www.wataniyaairways.com/eng/index.jsp


تتخذ من مبنى الشيخ سعد للطيران العام بمطار الكويت الدولي مركزاً لرحلاتها

مما يعني التفرد بالمبنى و تجنب الزحمة في مبنى 1 من المطار


للمعلومة فقط

لأني كنت مسافر على طيران الجزيرة





التذكرة

432 درهم

و كان ممكن تكون أقل بـ 100 درهم إذا اشتريتها في وقت أبكر



الفندق




و حصلت أفضل سعر له على هذا الموقع

Hotelscombined

بـ 55.2 دينار لليلتين

النت مجاني

الفراش جداً مريح في الفندق



استراحة فندق مطار دبي

في المبنى رقم 1

لحاملي بطاقات الإئتمان لبعض البنوك


كراسي مريحة

انترنت مجاني

بافيه مجاني

<<< ما كنت أدري إنه فيه بافيه ولا كان ما تغديت


أنا عندي بطاقة بنك الإمارات الإسلامي

و اللي من خلالها تجمع نقاط على طيران الإمارات

بس الغريب أنه البطاقة تقدر تدخل فيها الاستراحة في المبنى 1 فقط

و اللي ما فيه رحلات لطيران الإمارات !!



يقال

و العهده على الراوي

إذا أنا حلقت اللحية و خليت الشنب

يصير شكلي كويتي





GPS




أول مرة أأجر سيارة

وأول مرة استخدم جي بي اس - أخذته من عند أحد الأصدقاء

كـ تجربة و استعداد لرحلتي لـ أوروبا في الصيف



كيف تقارن بين أسعار السيارات ؟

عندك هذا الموقع

www.travel.yahoo.com

www.priceline.com


بس يا ليتني ما قارنت !!



البنزين صفر !!




من عند هذه الشركة




حجزت من موقع ثريفتي على النت

قبلها بيوم

و حجزت مرة ثانية و ألغيت الحجز عشان أضيف عضوية طيران الإمارات

بس ما وصلهم حجزي !!


40 دقيقة من وقوفي عند مكتبهم لين طلعت السيارة من المواقف !!


سيارة كامري ماشية أكثر عن 500 ألف كيلو !!


السيارة مش نظيفة عليها غبار

<<< أدري كانت فيه عاصفة رملية ذيك الأيام

الدبة كان فيها أكياس و قراطيس


ولما تطلع من المطار

تدفع رسوم الباركنج 200 فلس


و مؤشر البنزين عند الأحمر !!

خربوا علي البرستيج




بس لحسن الحظ

كانت فيه محطة بترول قريب المطار

يظهرها الجي بي اس


الملاحظ في محطات البترول

أنك تعبي البنزين بروحك !!


عبيت السيارة فل

و لما رجعتها كان التانكي للنص

بس حرام عليهم النص تانكي





على المارينا مول




وصولي كان الساعة 7 مساءاً

فكان يمديني أروح المول

رغم الساعة اللي ضاعت في المطار


وقفت السيارة في المواقف

و جيت اسكر باب السيارة

ولا يجيسني

مس كهربائي !!



من الباب



عروض أزياء

لا مش من البنات

من الشباب




أنا ما شفت ناس يتفنون في الموضة بعد الإيطالين

مثل الكويتيين


حتى الأولاد

و كل مجموعة تتشابه في لبس بعض !!

اللي مقرعين

و اللي لابس لبس هيفي ميتل

واللي شعرهم واقف على فوق


أنا هذيل أبي أسوي شعري مثلهم

في آخر فرصة لي

قبل ما يهاجم شعري التصحر

و أصير أصلع




تدخين في دورات المياه !!

من أولاد في عمر الزهور

شيء يدمي القلب



هل هي شطارة يعني

وين إدارة المركز عنهم

وين الرقابة

وين أهلهم

بس شنقول

و على الدنيا السلام <<< مسلسل كويتي





تعشيت في المول من عند




قلت

خلني أجرب اللومنيد بدل البيبسي

فعطاني ستيك سعره نفس سعر الوجبة مع بيبسي

+ سعر اللومنيد

قلت له كيف كذا !!


تراني ما طلبت البيبسي و طلبت بدلها اللومنيد

قالي لا ... هذا هو السعر الصح


دفعني أكثر

و يا ليت بعد اللمونيد طعمه حلو





رجعت السيارة

و شغلت الجي بي اس

ودورت على موقع فندق ibis


لما اتبعت الجهاز

طلع الموقع غلط !!




وداني على بداية شارع سالم المبارك

في حين إنه الفندق موقعه في نص الشارع


المواقف قليلة جداً تحت الفندق

و ضيقة

بس فيه مساحة فاضية جنبه


وقفت السيارة تحت

و

مس كهربائي !!







فريج صويلح ما يفتح الصبح !

أفا !!

يعني ما بكل بلاليط في الكويت




أنا ما أدري وين قريت معلومة

أنه يفتح من 4 الفجر

أو صاحبها ذكرها خطأً

وهو أنه يسكر الساعة 4 الفجر



ما علينا

خليني ماشي على البرنامج اللي مسونه

و أبدا اليوم في متحف الكويت



طلعت على شارع الخليج العربي

بس حقيقة

تجربة جميلة السواقة على الشارع الصبح

الحارات شبه فاضية ماشي زحمة

الجو لطيف

الشمس مشرقة

الخضار على جانبي الطريق

البحر على يمينك

it was fantastic


اتبعت الجي بي اس

و وصلت المتحف

و

مس كهربائي







بيت السدو

و بيت البدر

كانوا مسكرين !!


الدخول مجاني

بس تترك الهوية عن الاستقبال


عجبني جداً متحف التراث الشعبي

و هو عبارة عن تصاميم و مجسمات

عن السوق و الحرف و الحياة قديماً

بس الإبداع الحقيقي هو

في المؤثرات الصوتية

مرة تسمع المطوع يحفظ اليهال القرآن

و مرة تسمع حد يقول " حياك حياك "


فيه متاحف كثيرة فيها مجسمات و أشكال

بس المؤثرات هي من خلق الفارق هنا



فيه جزء عن الآثار في الكويت

بس ما فهمت شيء

فطلعت بسرعة


و في الخلف يوجد القبة السماوية و بوم

بس ما تفتح الصبح يوم الجمعة













رأيي في المتحف

الاستقبال حاله يرثى له !!

فيه باب شبه مخلوع

و فيه مباني مهجورة تماماً

المتحف الوطني غالباً ما يكون الوجهة الأولى لأي سائح

المكان ككل بحاجة إلى رؤية جديدة





خلصت من المتحف

و شغلت الجي بي اس

أدور على سوق المباركية

بس ما طلع في الجي بي اس !!




لا الفندق يطلع صح

ولا سيارة شرات العالم

و العشا مش ولا بد

و فريج صويلح ما يفتح الصبح

و بيت السدو مسكر


شكله موووووووووووووووول ما شي مترقع في هـ الرحلة




{ مووووول = أبداً }



شو أقوى في المعنى ... ربيع أو رفيج أو صديق ؟

أنا من رأيي

أشوف أن ربيع هي أقوى في المعنى

بتقولون ليش ؟

أنا أقولكم ليش


ربيع - الله يسلمكم -

جاية من كلمة الربيع

و اللي هو فصل الربيع

فـ الكلمة لها إيحاء عمييييييييق و أقوى من صديق أو رفيج

فتدل على السعادة و السرور و البهجة و استشعار الجمال و الراحة في قدوم ورؤية هذا الفصل - الصديق -


حتى في الدعاء الشهير نقول

اللهم اجعل القرآن ربيع قلوبنا


هذا تفسيري

والله أعلم


واللي عنده أي اعتراض يراجع

داوود حسين








سوق المباركية




قريب من المتحف الوطني

<<< طيب ليش كنت زعلان فوق

تريقت فيه

فطاير و عصير كوكتيل










حديقة السالمية





ثم بعد ذلك انطلقت إلى الكنيسة








كان أغلب المتواجدين من الجالية الهندية

بس شفت

واحد شايب كويتي وياهم

شكله نصراني !!


و كانوا يوزعون خبز في الكنيسة

ما أدري هل يجوز أكل من عندهم ولا لا ؟

تابعوني

يوتيوب

www.youtube.com/c/mruae81