تسوق في أمازون

22‏/05‏/2010

صور من عدستي ... الكويت 4



شهداء بيت القرين

المحزن في القصة

أن تحرير الكويت كان في تاريخ 26 - 2

و قتل الشهداء حدث في تاريخ 24 و 25 - 2





























رحم الله شهداء المسلمين


المتحف ما كان يبان في الجي بي اس من مدينة الكويت

بس أن كنت متجه جنوب للبلاد

و فجأة بحثت في الجي بي اس عن المتحف

ولا يطلع قريب مني و أشوف لافتته بعد





نشيدة

أكتب عسى حبري يسير من خافقي لأهل الضمير

وابعث رسالة للوطن مضمونها ...


أخليكم تسموعها

بصوت عادل الكندري

أحلى من صوتي

من الثانية 35


هنــــــا




مجمع الكوت

ما ظهر مول الكوت في الجي بي اس

ولا عرفت بعد أطلع الفحيحيل من قائمة المدن




و المشكلة إني تهت في الشوارع

الدنيا ظلمت

و أنا أتعبث في الجي بي اس

و العالم اللي وراي

طيييييييط ... طيييييييط

سوري سوري !! سامحوني


هل أرجع المطار و أنهي رحلتي لحد هنا ؟!!

لالالا ... دام إني قريب

أكيد بلاقيه


دورت صدفة على باركينج

و أقرب واحد طلع لي في الفحيحيل

لا

و وصلني قريب من المول بعد




وصلت هناك

و ضغطت على الجي بي اس عشان أعرف كم من الوقت أحتاج

عشان أوصل المطار

25 دقيقة


يمديني ألتقط كمن صورة على السريع

و بعدها أروح


و الكاميرا كانت في رمقها الأخير !!

بس في حركة

أسويها دوم

أطلع البطارية و أعيد أركبها مرة ثانية

ترد الروح شوية للكاميرا

كافية لأخذ 5 صور على الأقل

بالإضافة إني صورت من الموبايل




















^

كنت دوم أقول

إذا شفت تلفزيون الكويت أسوي وياهم لقاء ولا لأ




المشكلة إنه علي دوام

بعد أقل من 12 ساعة

و ما تخيل ربعي يقولون لي

شفنا واحد يشبهك البارحة في تلفزيون الكويت




و وراي طيارة بعد لازم ألحق عليها

يالله بسم الله ... إلى المطار



لحظة لحظة !!

بشوف مجمع المنشر



يالله الحين بتوكل



ياااااا الله شو هـ الزحمة !!





حوسة في المطار

45 دقيقة باقي عن إقلاع الطيارة !!



و أنا لين الحين مو لاقي موقف حق سيارة الأجار



ولازم أرجع مفتاح السيارة



و أطلع بوردينج كارد



و عقب طابور التفتيش



و ختم الجواز



و في المواقف زحمة فظييييييييعة




شو أسوي الحين ؟




و بكرة علي دوام

ما أقدر أقعد يوم واحد





مريت جنب باركينج معاقين

قلت

لالالالالالالالالالالالالالالالالالالا يمكن

مستحيل أتعدى على حقوقهم و أوقف سيارتي في مكانهم


شفت باركينج معاقين ثاني

و الوقت يمضي

عاد تعرفون ...

النفس أمارة بالسوء




ما في حل غير هذا الحل

يمكن أصحاب السيارة يلحقون عليها و يحركونها

قبل ما تخالفهم الشرطة




و أنطلق داااااخل المطار

صوب كاونتر التذاكر

بس وقفني موظف في مكتب صغيرون قبل كاونترات شركات الطيران

قال لي وين مسافر

قتله دبي على الجزيرة

قال ما يمديك تلحق

قتله ما عندي شنط تشيك إن ، بس شنطة ظهر

شنو اسمك ؟

اسمي ... راعي أمريكا

طق طق ... طق

تفضل

عطاني البوردينج كارد !!




مشكوور يزااك الله خيير




وين رايح ؟

بروح أرجع مفاتيح السيارة

قال ما عندك وقت

قتله مفاتيحهم لازم أرجعها لهم


نزلت عندهم تحت

يا جماعة الخير ... ترى طيارتي بعد نص ساعة !

قالي لازم انشوف السيارة أول و انشيك عليها

قتله صدقني ما شي وقت

اثق فيني بس


قال طيب ماشي ... وين موقفها ؟

قتله فوق

قال أدري فوق ... بس وين بالضبط ؟

قتله ... أول صف على اليسار شويه

<<< ما بغيت أقوله إني موقف في مكان المعاقين


قالي على فكرة وصل الحجز بتاعك من الشركة

ولازم تدفع 2 دينار عن المواقف

و أنا متأكد إنه حجزي شامل المواقف

بس للأسف ما طبعت حجزي من النت

و ما عندي وقت أتناقش وياهم أصلاً

لكن رجع و قالي هات بس نص دينار


عطيته فلوسه

و جري سرييييييييع على المغادرون

و نقطة التفتيش

و الطابور اللي يمشي ببطئ


و بعده ختم الجواز

و بعد فيه طابووور !!


بس ناداني شرطي و كم واحد عدالي

عشان نختم من عند الإجراء السريع

الخاص بـ

كبار الشخصيات و طاقم الطيارة

و وصلت الطيارة قبل 20 دقيقة من إقلاعها !!


أشوا





أنا كنت شبه واثق إني بلحق على الطيارة

لإني مطار الكويت صغير نسبياً



*****

وصلت مطار دبي الساعة 1:30

و كان لسه قدامي مشوار ساعة و نص


بس نشيت الصبح كلي نشاط

ولا كأنه صار شي البارحة


إذا الحياة حلوة

ليش الواحد يضيعها بالنوم



*****


موقع مفيد

http://q8airport.com

http://gis.baladia.gov.kw/


دليل السينما في الكويت

www.kncc.com

*****


اذكر في صغري

بعض الكتب المدرسية كانت مصدرها الكويت


أشهر شارع في رأس الخيمة اسمه

شارع الكويتي

لإنه يمر أمام المستشفى الكويتي المبني على من نفقة الكويت



مما نستفيد من هذي الرحلة

- الكويت حلوة

- البلاليط وجبتي المفضلة <<< صار من شروطي في شريكة حياتي

- المتحف و الأبراج و شارع سالم المبارك بحاجة إلى اهتمام أكثر

- لا تضيع وقتك في البحث عن مواقف في المولات

- المطار و ما أدراك ما المطار !!



حاولت أشوف أكبر عدد ممكن من الأماكن السياحية

بس ما حالفني الحظ أن أجد بيت الكويت للأعمال الوطنية

<<< يدور عذر عشان يرجع الكويت



مشاريع مستقبلية

مشروع القرية التراثية

مشروع مترو الكويت



ملاحظة أخيرة

لا يوجد دليل السائح ولا خريطة للمدينة

سواء في المطار أو في الفنادق

و إن وجد

فهو ليس سهل الوصول إليه







شفت ممثل

عبدالعزيز المسلم

في صلاة الجمعة

بس

في مسجد الفاتح في البحرين

و هي رحلتي في الويكند اللي بعد رحلة الكويت




بس هل صار لي حوسة في مطار البحرين بعد ؟




تابعوني




على فكرة

ما خبرتكم عن هذا المكان




تصوير موبايل


في رحلة العيد الماضي


تابعوني

*****

حمل الصور بحجم أكبر






رحلات أخرى

لبنان - إيطاليا - براغ - سويسرا - المغرب




تابعوني
يوتيوب
www.youtube.com/c/mruae81
أرسل الموضوع على:

0 comments:

إرسال تعليق

ادلو برأيك في الموضوع

أرشيف المدونة الإلكترونية

التسميات

أرشيف المدونة الإلكترونية

اضغط على المتابعة

تابع جديد المدونة بالإيميل

Pages

قائمة المدونات

تسوق في أمازون

اضغط على التسميات