تسوق في أمازون

31‏/08‏/2010

صور من عدستي ... البحرين 3





حلبة البحرين الدولية



أصور وأنا أسوق






يااااااااااااا ساااتر !!


كنت بسوي حادث !!




 عند متحف البترول

والمشكلة إني أنا والسيارة الثانية داشين غلط المواقف

من المكان المخصص للخروج

بس الحمدالله مسكنا بريك في آخر لحظة



متحف البترول

مجاني








































































أعلى قمة في البحرين

هو جبل الدخان

بس ما أدري إذا هذا هو اللي في الصورة ولا لا !!




قلعة الفاتح - الرفاع

ماظهرت في الجي بي اس

رغم أن مخططي كان ممكن يشملها

بما إنها على طريقة العودة إلى المنامة





شجرة الحياة

وهي شجرة منتصبة في وسط الصحراء لوحدها

تظهر في الجي بي اس

بس ما أدري إذا سيارة الصني تقدر توصل لها ولا لا



بيت عيسى

الدخول 200 فلس

في المحرق

البيت كبير بالفعل

بس بدون أثاث





























































بيت السيادي

مجاور لبيت عيسى

بس ما عرف من وين أدخله

أو كان مسكر

المهم هذي صور من الخارج









قلعة عراد

الدخول 200 فلس





































متحف راشد العريفي

الدخول بدينار

عن حضارة دلمون

















































































































أبراج الكويت




اسم مطعم



للأكلات السريعة الإيرانية

موجود في معظم المولات

أنا تغديت في الستي سنتر

وطلبت کباب کوبيده

حقيقة ...

آخر مرة ذقتها بهذه الجودة

كان في مطعم إيراني في كاليفورنيا اسمه famous kebab



بيت القرآن

ممنوع التصوير

أهم ما تشاهده في المتحف برأيي

مصحف بحجم 4.7 × 3.2 سم مكتوب في سنة 985 هـ !!

الشهادتين على حبتين أرز

أول ترجمة للقرآن للإنجليزية سنة 1228



بيت جمشير

ما كان يطلع في الجي بي اس

وأنا كنت أظن هذا هو

بس كنت غلطان


حتى سوق المحرق

دورت عليه في الجي بي اس

بس في النهاية وداني عند سوبرماركت !!






















شو أكثر شي يطلع في الجي بي اس ؟

في الكويت كانن الديوانيات

في البحرين

المآتم !!



آخر صور
























أهم صورة

اللي المفروض صورتها من أول يوم

وهي الدانة مع الشراعين



حوسة في المطار

طبعاً لازم أرجع السيارة

و تانكي البترول فل


فضغطت على الجي بي اس

وطلع لي 3 محطات قريبة مني

أخترت الأقرب


وبالصدفة

مريت بسوق المحرق

والأهل كانوا موصيني بحلوى من نوع معين

بس كان باقي أقل عن ساعة ونص عن الطيارة

فكنت أتشاور ... اشتري ولا ما أشتري

قلت موضوع الحلوى مابياخذ أكثر من 5 دقايق

والبترول 5 دقايق

و الطريق للمطار 5 دقايق

يعني بعدني في السليم

<<< بس الواحد مايظمن مفاجآت اللحظات الأخيرة


وقفت السيارة عند أقرب موقف

ودخلت أحد محلات الحلوى

بس ماحصلت عندهم المطلوب


كملت طريقي لين المحطة

وبالمصادفة

شفت لوحة مكتوب عليها

بيت جمشير !



يعني هو موجود في المحرق

وأنا تحريته هذاك عند مسجد الفاتح


وصلت المحطة

بس السيد اللي كنت واقف فيه كانن فيه سيارتين

وأنا ما بقالي وقت وايد

قلت أحسن أدفع أي مخالفة تحسبها شركة السيارة بدل ما أتأخر عن الطيارة


وأنطلقت متجهاً للمطار

وأزيد الطين بلة

وآخذ منعطف خطأ !!


باقي ساعة

وأنا بعدني ما وصلت حتى حدود المطار


المفاجأة الثانية

إني لما دخلت المواقف

ولا باركنج فاضي !!


من وين طلعوا كل هالعالم

موقف المعاقين خليته وراي

ولا كان وقفت سيارتي فيه


المهم

مشيت لآخر البارنكنج

عند أول كورنر مرة

و وقفت ورى سيارة

لإن الشركة بعدين بتي وبتحركها


أطالع الساعة 50 دقيقة عن الرحلة

شو أولى مفاتيح السيارة ولا بطاقة الصعود ؟!!

بطاقة الصعود طبعاً


دخلت المطار

وسألت مكتب طيران البحرين اللي قبل نقطة التفتيش

عن رحلة أبوظبي

قالت خلاص مايصير بيغلق الكاونتر

قلت لها انزين أنا بس عندي شنطة ظهر

<<< مشكلة يوم تسأل الشخص الخطأ


المهم

عرفت إنها مبالغة

لإني سألت الموظفة اللي في أبوظي وقالت قبل 40 دقيقة يغلق الكاونتر


كان فيه طابور على نقطة التفتيش

وأنا ما عندي وقت حتى أنتظر وراهم

كلمت الشرطي الواقف عند الخط

قتله

الله يسلمك ... طيارتي بطير ولازم ألحق عليها

ومن هـ الزين

<<< تراهم قالوا من تمسكن تمكن


وأتخطى الطابور

وأطلع البوردنج باس حق الطيارة

خلصنا موضوع الطيارة

باقي أرجع السيارة


نزلت تحت عند القادمون

ورحت مكتب sixt

فطبعاً لازم تشيك على السيارة وعلى البترول

طلعت مع واحد منهم للسيارة

وشاف مستوى البترول للنص

قال ادفع

2 دينار ونص


دفعني بس فرق السعر

لإنه في دول أوروبا تدفع عن التانكي كامل حتى ولو كان ناقص الربع


رجعت المكتب وعطيتهم الفلوس

وطلعت فوق عند المغادرين

ورحت للشرطي وقتله

الله يسلمك أنا سرت أرجع مفاتيح السيارة و ...

ماخلاني أكمل

قالي

تفضل تفضل لا تصدعلي براسي




وصلت الطيارة قبل 30 دقيقة من الإقلاع

في الكويت كانت 20 دقيقة قبل الإقلاع

يعني في تحسن



*****


صور لأهل معالم البحرين

www.bahrainguide.org/BG6/babalbahrain.html


مواقع مفيدة

www.bahraintourism.com

www.bhguide.com


حديقة عذاري

www.adharipark.com.bh


*****

مشاريع مستقبلية

جسر البحرين - قطر

بين الرافض والمؤيد

تابعوني
يوتيوب
www.youtube.com/c/mruae81
أرسل الموضوع على:

0 comments:

إرسال تعليق

ادلو برأيك في الموضوع

أرشيف المدونة الإلكترونية

التسميات

أرشيف المدونة الإلكترونية

اضغط على المتابعة

تابع جديد المدونة بالإيميل

Pages

قائمة المدونات

تسوق في أمازون

اضغط على التسميات